Santa Ageda egunaren bezperan, etzi, otsailak 4, santa eskean aterako dira Aiako ikasleak, baita hainbat herritar ere, makilak eskuetan, koplak eta bertsoak elkarrekin kantatzeko.
Hala, Lardizabal Herri Eskolak eta guraso elkarteak antolatuta, Haur Hezkuntzako ikasleak herrian zehar ibiliko dira kantari eta, Lehen Hezkuntzako ikasleak, berriz, gurasoen laguntzaz, auzoz auzo eta baserriz baserri ibiliko dira. Arratsaldean, 17:15ean, ikasle guztiak elkartuko dira, kalez kale denak batera abesteko.