Andatzan Auzo Eguna egingo dute bihar zortzi, azaroaren 2an, igandearekin. Jan-edana eta musika izango dira protagonistak, goizean hasi eta iluntzera arte.
Izan ere, auzotarrek azaldu dutenez, goizean hasiko dute festa, auzoan zehar poteoa eginez. Ondoren, bazkaritarako elkartuko dira, eta eguna borobiltzeko, igandero Andatzako Erromeria Elkarteak antolatzen duen erromeriaz gozatuko dute.
Txartelak eta menua
Bazkarirako txartelak erosteko epea astelehenean amaituko da, eta interesa duenak Instagramez egin diezaioke eskaera Andatzako Elkarteari.
Helduen menua 35 euro kostako da, eta honakoa izango da: sarrerakoak, bakailoa, txuleta, postrea, kafea eta kopa. Umeen menuak, berriz, 15 euro balioko ditu, eta honakoa jango dute: sarrerakoak, oilasko izterra eta postrea.