Hiru hilabetez zabalik egon ondoren, bihar agurtuko du udako denboraldia Aiako igerilekuak. Ekainaren 6an ireki zituen ateak, eta ordutik 11:00etatik 20:00etara egon da irekita egunero-egunero. Igerilekuko tabernak, gainera, beranduagora arte eman izan du zerbitzua, afariak ere eman dituztelako.
Eguraldiak lagunduz gero, beraz, bihar izango da udako zerbitzu horretaz gozatzeko azken aukera hurrengo denboraldira arte.
