Aia

Martxoaren 22an egingo dute Andatzatik Aiarako XVIII. Igoera

Onintza Lete Arrieta 2025ko mar. 10a, 08:10

Aiako igoerako artxiboko irudi bat.

Hemezortzigarrenez egingo dute auto lasterketa Aiako Andatza auzotik hasi eta herriaren erdigunera.

Oraindik ez dute aurkezpen ofizialik egin, baina badauka data Andatzatik Aiarako XVIII. Igoerak: martxoaren 22an izango da, hemendik bi astera, larunbatarekin.

Ohi bezala, goiz partean autoen egiaztapenak egingo dituzte, 09:00etatik 12:30era, eta aurreneko manga 14:30ean hasiko da. Errepidea, ordea, lehenago moztuko dute, 13:30ean, guztien segurtasuna bermatze aldera.

Iaz 51 auto lehiatu ziren, eta Joseba Iraola eta Beñat Poblacion izan ziren irabazleak bakarlekuetako eta turismoetako kategorietan.

Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide