Aiako Gazte Asanbladak antolatuta, bigarren urtez egingo dute Aiako bertso txapelketa: II. Bertso Txepelketa. Hilaren 29an izango da eta parte hartzeko, izena eman beharko da egun bertan, 18:00etan, herriko plazan. Jarraian, bertsoka arituko dira tabernaz taberna, 19:30ean hasita. Arratsaldeari amaiera emateko, finala jokatuko dute Alkar Elkartean ospatuko den bertso afarian. 21:00etan hasiko da afaria.
Afarirako tiketak salgai daude dagoeneko, eta Iturriozena eta Joanene tabernetan erosi daitezke. Prezio arrunta 20 eurokoa da; langabetuek, aldiz, 18 euro ordaindu beharko dute.