Azken orduetan izandako haize bortitzak zuhaitz bat bota du goizean Aia eta Zarautz arteko errepidera, eta eguerdian, bigarren batek oztopatu du errepide bera.
Goizaldeko erorketa Aiako herrigunetik bi kilometrora gertatu da, eta Lurraldebusen UK08 Zarautz>Aia>Orio linea etenarazi du, nahiz eta 10:30 alderako berriro martxan jarri duten.
Eguerdi partean, ordea, bigarren zuhaitz bat erori da errepide berean, Lukuneko sarrera parean, eta momentu honetan itxita dago errepidea.
Santio Errekako semaforoa ez dabil
Bestalde, jakinarazi dute Santio Erreka auzoko semaforoa ez dabilela auzoan argindarrarekin duten arazo batengatik. Semaforoa konpondu arte, ertzainek bideratuko dute trafikoa.
Horregatik, inguru horretan kontuz gidatzeko eskatu dute.