Aiarrek dena prest dute herriko festetarako –ikus egitaraua hemen–, eta nahi duenarentzat, jaietako elastiko berria ere salgai jarri dute festen antolatzaileek. Zazpi euroan eskura daiteke herriko festetako maskota protagonista duen kamiseta, eta hori lortzeko egun zehatzen berri ere eman dute.
Gaur bertan, hilak 31, arratsaldez frontoian erosi ahalko da; ostiral honetan, abuztuaren 2an, 19:00etan igerilekuan egongo dira salgai; eta, azkenik, abuztuaren 6an, asteartea, plazan jaien hasierako txupinazoaren aurretik erosi ahalko dira.