Basabizi zentroan sendatutako bi urubi askatuko dituzte ostiral ilunabarrean, Aiako Iturraran Parketxean. 21:00etan izango da ekimena, eta Basabizi zentroan egiten den lanari eta zauritutako animalia bat aurkitzean egin beharrekoari buruzko azalpenak eta gero, parketxearen inguruan askatuko dituzte gautxoriak.
Jarduerak hiru euroko prezioa izango du, eta parte hartu nahi duten herritarrek 943 83 53 89 telefono zenbakira deitu behar dute erreserba egiteko.