Zenbat dakizu zure osasunaz? izenburua duen ikastaroa emango du Itsaso Erasun dietista nutrizionistak. Aiako Gazte Asanbladak antolatu duen lehenengo tailerra izango da, eta guztira, hiru saiotan banatuko da; bihar, azaroaren 24an eta abenduaren 1ean emango dira, guztiak ere kultur etxean, 18:00etatik aurrera.
Doakoak izango dira saio guztiak, eta izenik ematea ez da beharrezkoa izango, dena den, asistentzia ziurtatzea eskertuko luketela adierazi dute. Horretarako, Aiako Gazte Asanbladaren instagram kontura mezu bat idatzi daiteke, edo taldekideren batekin harremanetan jarri daiteke.