Larunbatean hasi ziren Aiako XXVII. Kintopeko Idi Probak, eta gaur jokatuko dute bigarren saioa, 22:00etan aterako dira idiak erakustaldia ematera.
Larunbatean hiru idi parek hartu zuten parte. Hain zuzen ere, Asador Iruña, Soarte eta Iñaki Lopategiren idiak aritu ziren 2.070 kiloko harriari tiraka, eta gaur, azken hiru idi pareak ikusteko aukera izango da: Iñaki Oliden (Orio), Igone Pagadizabal (Hondarribia) eta Zornotza anaiak (Zalla).
Momentuz, Elgoibarko Soarteren idiek egin dituzte plaza gehien: 51. Gaur jakingo da, ordea, beste idi pareek marka hori gainditzeko gai diren.
Argazkiak: Ibon Errazu