Aiako Jai Batzordeak diruz lagundu du Marea Urdina elkartea. 3.000 euro eman dizkio, Aniztasun Funtzionala duten pertsonen inklusioaren aldeko elkarteari.
San Donato eta San Lorentzo jaietako hainbat ekintzetan lortutako diru-sarrera da. Hain justu ere, tonbolan, bertsolarien ekitaldian, bolo txapelketan, sardin janean eta Harribil Dantza Taldearen ikuskizunean batu zituzten 3.000 euro. Atzo arratsaldean izan zen entrega-ekitaldia kultur etxean. Bertan bildu ziren Jai Batzordeko zein Marea Urdineko hainbat kide.