Pagoeta Eguna ospatzen ari dira gaur goizean Pagoetan, eta, eguraldia lagun, jende asko bertaratu da Aiatik eta Zarauztik goiz-pasa egitera. Usadioari eutsiz, zarauztarrak txistulariekin kalejiran igo dira goizean Guria tabernaren paretik Pagoeta mendira. Aiarrak, berriz, herriko plazan bildu dira 10:00etan taldean tontorrera igotzeko. Jende asko bildu da hitzorduan, Aiako Gazte Asanbladaren ekimenez, herrian Pagoeta Eguna berreskuratzeko asmoz. 14:00etan, lagun arteko herri bazkaria egingo dute Aian, Pagoeta Egunari jarraipena emateko
Pagoeta Mendizale Elkartekoek barra jarri dute bertaratu direnentzat, eta salda, txorizo egosia eta sagardoa eskaini dituzte.
Argazkiak: Sheila Portalo