67 urteko gizonezko bat erreskatatu du Ertzaintzaren helikopteroak Pagoeta mendiaren gurutze inguruan, gaur eguerdian. Gizona, zorabiatuta zegoen eta ezin zuen bere kabuz bidean aurrera egin.
Ertzaintzak jakitera eman duenez, Larrialdi zerbitzuek 13:30 aldera jaso dute abisua, ohartaraziz ondoezik zegoela mendizalea, Pagoetan.
Larrialdietako baliabideak mobilizatu dituzte bertara, eta azkenean, Ertzaintzaren helikopteroak eta erreskate unitateko mendiko taldeak erreskatatu dute gizona.