Argazkiak:Ibon Errazu.
Izurritea zela eta etenaldia egin ondoren, indarberrituta bueltatu da Aristerrazuko erromeria. Erromeriazaleak eskusoinu txikiaren eta panderoaren doinuen erritmoan dantza egiteko irrikaz daude, eta tenperatura baxuek ez dituzte beldurtu. Izan ere, atzo iluntzean Andatza auzoan hotz egiten bazuen ere, giro ederra izan zen Aristerrazuko erromerian, eta hotzari dantzan aurre egin zioten bertaratu zirenek.