Datorren asteartean, hilak 6, Elkanoren mundubira Laurgainen ibilaldi gidatua egingo dute Iturraran parketxetik abiatuta. 10:00etan parketxean bertan jarri dute hitzordua, eta parte hartzaileek lau orduko itzulia egingo dute Juan Sebastian Elkano eta Laurgain uztartzen dituen kontuak entzunez.
Jardueran parte hartu nahi dutenek aurrez eman beharko dute izena 943-83 53 89 telefono zenbakira deituta edo iturraran@gipuzkoanatura.eus helbidera idatzita, eta bost euro ordaindu.