Aiako pilotariek gogor lan egin beharko dute Gipuzkoako Herriartekoaren final erdietara pasatzeko. Lehengo asteburuan joaneko jardunaldia jokatu zuten Aiako pilotalekuan donostiarren kontra, eta 1-2 galdu zuten. Frontoi osoko buruz buruzko partidan lortu zuen Iban Aldalurrek Aiarentzat garaipen bakarra, 20-13 nagusituz. Binakakoan, Aimar Aranberrik eta Gari Zubillagak osatutako bikoteak 14-20 galdu zuen, eta 7ra arteko banakakoan, Iker Lizasori tanto bakarragatik alde egin zion garaipenak, 19-20 emaitzarekin.
Joaneko jardunaldia datorren asteburuan jokatuko dute, Donostian.