Festa giroa izan dute gaur ere Aian. Asentzio Azoka ospatzen ari dira gaur herrian, eta goizean izandako azoka, eta Eusko Label oilasko pintxoen eta euskal hanburgesen dastatzen saioaren ondoren, arratsaldean, 18:00etatik aurrera, herri kirolen jaialdia izango dute herrian.
Harri txikien Gipuzkoako Txapelketa jokatuko da ordu horretatik aurrera. Honako harri-jasotzaileek parte hartuko dute: Paulo Aspiazu, Iraitz Arruti, Hodei Iruretagoiena, Mikel Lopetegi, Xabat Olaizola eta Beñat Telleria.
Bitartean, goizak eman duena laburbildu dugu bideo honetan.