Elizagoien ahizpek erromeria giroa zabalduko dute igande arratsaldean sare sozialetan, 19:00etatik aurrera. Bertan behera gelditu dira erromeriak, eta udaberrian egin bezala, Internet bidez eskainiko dituzte trikitilariek saioak, Aristerrazu Zuzenean ekimenaren bidez. Hala, erromeria zaleek saioa Aristerrazu Zuzenean Facebook orriaren bidez jarraitzeko aukera izango dute.