Aiako Udalak Lur-Alkartasuna Kooperatibak egindako deiarekin bat egin du, eta adinekoei eta behar bereziak dituzten herritarrei laguntzeko zerbitzua jarri dute martxan. Izan ere, asko dira erosketa egitera herrigunera iritsi ezin duten aiarrak, eta horiei irtenbidea emateko etxez etxeko zerbitzua abiatu dute, astelehenetik larunbatera egongo da martxan.
Dena dela, udaletik gogorarazi dute zerbitzua behar bereziak dituzten herritarrei soilik zuzenduta dagoela.