Martxoaren 8a, igandea, Emakumeen Nazioarteko Eguna izango da, eta Zugarramurdira irteera kulturala antolatu du Hazi erakundeak, emakumeek kudeatzen dituzten ustiategi txikiak ezagutzeko. Hitzez Emakume Baserritarren Elkarteak autobusa antolatu du irteeran parte hartu nahi dutenentzat. Hala, Eibar, Elgoibar, Zarautz eta Aiatik pasako da autobusa, eta 11:00etarako Zugarramurdin egotea aurreikusten dute Hitzez elkarteko arduradunek.
Irteeran parte hartu nahi dutenek aurrez izena eman beharko dute, 689-09 18 41 edo 639-87 96 11 telefono zenbakira deituta.