Urtarrilaren 19an, igandearekin, herri kirol zaleek hitzordu berezia dute Aian. Izan ere, hiru txapelketaz gozatzeko aukera izango dute bertaratzen direnek. Batetik, gizonezkoen Urrezko Binakako Aizkora Txapelketa jokatuko da. Eusko Label Saria izango da, eta bi bikote ariko dira aurrez aurre: Ugaitz Mugertza eta Julen Alberdi, Txikia IV.a-k osatuko du bikote bat, eta horiek aurkari izango dituzte Ruben Saralegi eta Eneko Otaño.
Bestetik, emakumezkoen Urrezko Banakako Aizkolari Txapelketa jokatuko da. Lehian ariko dira Nerea Sorondo eta Irati Astondoa.
Amaitzeko, Urrezko Harri-jasotze Txapelketaz gozatzeko aukera egongo da. Aurrez aurre Urola Kostako bi harri-jasotzaile: Iñigo Eizagirre, Eiza, zarauztarra eta Xabier Peñagarikano, Peña, aizarnazabaldarra.
12:00etan hasiko dira txapelketak Aiako probalekuan.