Igeldoko Arrano Etxean sendatu dituzten urubiak, hontzak eta mikak askatuko dituzte azaroaren 9an, larunbatarekin, Aiako Iturraran Parketxean. Bertan elkartu eta basozainaren azalpenak entzun eta gero, parketxearen inguruan askatuko dira gautxoriak, ilunabarrean, 18:00ak aldera. Antolatzaileek linterna eramatea aholkatu dute.
Ekintza doakoa izango da baina beharrezkoa da aurretik plaza erreserbatzea. Izen emateko edo informazio gehiago nahi izanez gero, deitu 943- 83 53 89 zenbakira edo idatzi iturraran@gipuzkoamendizmendi.net helbidera.