Urte berria hastearekin batera, irekitzear dira sagardotegietako kupelak. Zehazki, urtarrilaren 16an, asteazkenean, ospatuko dute Sagardo Berriaren XXVI. Eguna.
Aiako sagardotegiak ere kupelak irekitzeko prest dira. Aiako Satxotan bihar bertan zabalduko dituzte, eta Izeta sagardotegian San Sebastian bezperan, urtarrilaren 19an. Azken honetan Izer eta Alabier trikitilarien erromeriak girotuko du irekiera, eta Anjel Mari Peñagarikano eta Amets Arzallus arituko dira ondoren bertsotan.