Larunbat gauean Akelarre musika taldeak zuzeneko kontzertua eskainiko du Aian. Dena prest dute jada: karpa handi bat jarri dute eskola berriaren aparkalekuan; autobus zerbitzu berezia egongo da bertara joan-etorria egiteko garraio publikoa erabilita; eta sarrera gehienak salduta daude.
Dena dela, jakinarazi dute oraindik badagoela sarrerak erosteko aukera. Internetez bihar (ostirala) gauerdira arte eros daitezke, www.musikaze.com webgunean. Sarrerarik geldituko balitz, larunbatean bertan 21:30etik aurrera leihatilan jarriko lituzkete salgai.