Bizitza bat salbatzea zure eskuetan dago lelo hartuta, lehen sorospenetako ikastaroa eskainiko dute bihar goizean larrialdi zerbitzuetako kideek Aiako plazan. 11:00etatik 13:00ak bitarteko saioa izango da, eta larrialdi kasuetan jakin beharreko hainbat gako emango dituzte. Gipuzkoako Foru Aldundiak eta Urola Kostako Udal Elkarteak elkarlanean antolatu dute saioa.