Igandean denboraldiko azken erromeria egingo zuten Aristerrazun, eta jendetza bildu zen hitzorduan. Izer eta Alabier trikitilariak igo ziren oholtza gainera, eta Euskal Telebistak grabatuko zuen saioa Oholtzan programarako.
Bestalde, aurtengo erromeria denboraldiak «arrakasta handia» izan duela ere nabarmendu dute Andatzako Erromeria Elkarteko kideek. «Betiko erromeria zaleez gain, jende berria ere bildu da Andatza auzoan, erromeriarekin eta festarekin gozatzeko eta gure ohiturak indartzeko gogoz».