Gaur hasten dira Altzolako sanromanak

Karkara 2016ko aza. 18a, 07:15
Deskargatu Info Ahotsak :

Giro ederra izaten da San Roman jaietan Altzola auzoan. Auzotarrentzat egun bereziak izaten dira, baina auzotarrak ez ezik, Aiako beste auzoetatik eta Asteasutik ere joaten dira festara. Gaur hasiko dira jaiak eta igandera arte luzatuko dira. 

Auzotarrek antolatzen dituzte San Roman jaiak, auzotarrentzat. Urte luzez auzotar bat arduratzen zen jaiaren antolakuntzaz, baina ezbehar baten ondorioz, urte batean ezin izan zituen jaiak antolatu eta ez zuten festarik izan. Testigua beste auzokide batzuk hartu zuten. Elkartea sortu zuten eta, geroztik, urtero antolatu dira Aiako Altzola auzoko jaiak. Hemen egitaraua:

Azaroak 18, ostirala
10:00 Hamaiketakoa.
11:00 Meza nagusia, eta gero erromeria Laja eta Larrañagarekin.
14:00 Bazkaria.
16:00 Erromeria.
21:00 Afaria, eta dantzaldia.

Azaroak 19, larunbata
18:00 Erromeria jaialdia. Parte-hartzaileak: Julen Alonso eta Eneritz Aulestia, Manez Torrealdai eta Irati Gutierrez, Mikel Barandiaran eta Julene Otegi, eta Aratz Olaizola eta Maria Lasa.
21:00 Afaria.

Azaroak 20, igandea
10:00 Hamaiketakoa.
11:45 Meza eta erromeria.
14:00 Bazkaria eta gero erromeria.
21:00 Afaria, dantzaldia eta ondoren txokolate beroa.

Gizartea Aia

Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide