Herenegun, abuztuaren 9an, toka txapelketa izan zen Aiako plazan. Helduek nahiz gazteek beren punteria neurtzeko aukera izan zuten. Eta, tiratzailerik onenak, zehaztasun handiena izan zutenak, Asier Alberdi, Antonio Amundarain eta Eneritz Erkizia izan ziren.
Gazteetan lehiatu zen Alberdi. Kategoria horretan bigarren tiratzailerik onena Julen Orbegozo izan zen eta hirugarren postuan Xabier Apaolaza sailkatu zen.
Helduetan, bi mailatan lehiatu ziren: emakumezkoak eta gizonezkoak. Emakumezkoetan, Erkizia izan zen txapela jantzi zuena. Bigarren Idoia Iribarrek egin zuen eta hirugarren Mariaje Olano. Gizonezkoetan, Amundarain izan zen txapelduna. Bigarren Roberto Ostolaza sailkatu zen eta hirugarren Pedro Mari Lopetegi.