Pasa den asteburuan motorrak berotu eta gero, atzo, abuztuaren 6an, Aiako San Donato eta San Lorentzo jaiak hasi ziren. Arratsaldean, gaztelekukoek antolatuta, jokoak egin zituzten eskola ondoko parkean.
Zazpietan hasi zen festa, buruhandiek jantzi berriak erakutsi zizkieten herritarrei. Modeloen erakustaldiaren ondoren, txupinazoa eta kalejira jendetsua izan ziren herrian zehar.
Frontoian ere ez zen giro izan herri afariarekin. Jende mordoa bildu zen bertan, eta baita, gauean, erromerian ere. Izer, Alabier eta Lutxuridiok Aiako plaza girotu eta bertaratutakoak dantzan jarri zituzten.
