Uztailaren 31an, Andatza auzoko Aristerrazu belardian, Euskadiko segalari onenak bilduko dira. Bi txandatan Euskadiko Sega Finalerako txartela jokatuko dute. Lehen multzoan arituko direnak Igor Esnaola, Mikel Garayalde, Iban Pardo eta Iñigo Mercader dira. 11:30ean izango da saio hau, eta bigarrena, ordu betera. 12:30ean Juanjoxe Lizaso, Jon Kanflanka, Suharri Irazustabarrena eta Julen Gabirondo izango dira aurrez aurre.
Sarrerak 10 euroko kostua izango du. Prezio hori ordaindu ezkero bi kanporaketak ikusi ahal izango dira. Bata 11:30ean eta bestea 12:30ean.