Sanpedroetako danborrada urteko bakarra izango zela pentsatzen zutenak oker zebiltzan. Izan ere, herritar talde batek danborrada antolatu du Bikamiotako jaietarako. Hain zuzen ere, abuztuaren 29an lehertuko da festa auzo horretan, larunbatarekin.
Entseguak, berriz, abuztuaren 25ean eta 27an egingo dituztela jakinarazi dute, astearte eta ostegunarekin, eta 7 urtetik gorako herritar orok parte hartu ahal izango du ekintzan. Hala, interesdunek abuztuaren 9ra bitarte izango dute izena emateko epea, eta horretarako, Aurrera tabernara jo beharko dute. Parte hartzaileak WhatsAppeko talde batean sartuko dituzte ondoren, hitzorduko xehetasunak zehazten joateko.