Urtero bezala, San Joan bezpera iluntzean, sorgin txikiek zeharkatuko dute herria kalejiran eta, ondoren, dantza egingo dute suaren bueltan. Jai egun hori iristear da, eta horretarako, entseguei ekingo diete datorren astean.
Dantzan parte hartu nahi dutenek, bihar, hilak 28, azaldu beharko dute Kosta tailerrera, 19:15ean. LH2 eta DBH4 bitarteko ikasleek izango dute aukera parte hartzeko. Entseguak, berriz, ekainaren 2an hasiko dituzte: astearte eta ostegunetan elkartuko dira ikastolako plazoletan, 19:00etan.