Ostegunean Orio Herri Ikastolako LH 5. mailako 46 ikasle eta hiru irakasle Gukaren egoitza nagusian izan ziren, Azpeitian, tokiko euskarazko kazetaritza bertatik bertara ezagutzen. Izan ere, euskararen eta transmisioaren gaia lantzen aritu dira ikastetxean.
Azpeitiko erredakzioa bisitatu zuten aurrena, eta ondoren, Gukako lankideek prestatutako ginkana egin zuten gaztetxoek; aldizkari bat osatu behar izan zuten atalez atal, eta horretarako, Azpeitiko kaleetan barna ibili ziren herritarrei elkarrizketa motzak egiten, publizitatea saltzeko estrategiak lantzen tabernetan publizitatea eskainiz, etab.
Hona oriotarren bisitak utzitako irudi batzuk.