Orioko Udalak jakinarazi du datorren asteazkenean, martxoaren 18an, egingo duela herri baratzeak adjudikatzeko zozketa. Udalbatzar aretoan, jendaurrean izango da zozketa, 12:00etan. Hala, interesa duten herritarren bertan egoteko aukera izango dute.
Udalak urtarrilaren 12an zabaldu zuen herri baratzetarako eskaerak aurkezteko epea, eta epea itxita, otsailaren 19an kaleratu zuen zozketan parte hartuko dutenen behin-behineko zerrenda. Udalak azaldu du alegazio gutxi batzuk jaso dituela, eta datozen orduetan kaleratuko duela behin betiko onartuen zerrenda.