Arraun hitzorduz betetako asteburua izango dute oraingoa ere Orio Arraunketa Elkarteko arraunlariek. Batetik, batelak bi egunetan jarraian jokatuko dituzte, larunbatean Oreretan izango da Gipuzkoako Batel Ligako zortzigarren jardunaldia, eta igandean, berriz, Getarian bertan, 10:30etik aurrera, Getariako Arraun Elkarteak antolatuta. Bederatzigarren jardunaldia izango da.
Bestetik, larunbatean 16:00etan traineruek Pasaian (Gipuzkoa) izango dute hitzordua, San Pedroko XVII. Test Estropada jokatuko baita han.
Azkenik, Katalunian, Banyolesen, aulki mugikorreko Espainiako selekziora sartzeko hautaketa probak jokatuko dituzte larunbatean eta igandean hainbat kategoritan, eta hantxe izango da hainbat kirolari.