Gabonak iristear dira, eta eskuz egindako opariren bat egin nahi dutenentzako, xilografia tailerra eskainiko dute bihar, Etxeluze gaztetxean. Goizeko 11:00etan hasiko da tailerra, eta ez da beharrezkoa aurretik izena ematea.
Hitzordua haurrei nahiz helduei zuzenduta dago, eta bertan, xafla batez gain, arropa, poltsak, kamisetak ala edozein oihal estanpatzeko aukera egongo da. Gainera, antolatzaileek aurreratu dutenez, denbora emanez gero zianotipia teknikarekin ere jolastuko dute.