Herrio natur taldeak, Orioko Udalarekin elkarlanean, Euskal Herriko zuhaitzak banatuko ditu bihar goizean. 11:00etatik 13:00etara egongo da zabalik postua, tirolinako parkean. Bertan haritzak, arteak edota gorostiak eskuratu ahalko dituzte herritarrek, besteak beste.
Taldeko antolatzaileek azaldu duten moduan, azokaren asmoa herritarrek Gabon hauetan bertako zuhaitzak oparitzeko aukera izatea da. Gainera, zuhaitzen banaketaz gain, antolatzaileek aditzera eman dute herritarren batek baso bat sortu nahiko balu bere lursailean edo lorategian, proiektu hori antolatzen lagunduko luketela.