Uztailean ospatu izan da Orion Bisigu Festa azken urteetan, baina aurtengo maiatzean Orioko Udalak eta parrilleroek iragarri zuten aurten ez zutela egitasmo hori egingo "festa hori egiteko baldintzarik ez zegoela ondorioztatuta". Udalak lan-mahai bat osatu zuen gaia aztertzeko, eta "hartu dituen neurri guztiak mahai horretan eztabaidatu dira aurrena, gero adostasunez erabakitzeko", azaldu du.
Lan-mahaiak lanean segitu du orduz geroztik, eta proposamen berri bat egin du "gure ondare gastronomikoa modu jasangarrian ezagutarazi eta transmititzeko". Xehetasunak irailean emango ditu udalak, baina festa berri horrek badu data zehatza: urriaren 4a, larunbata.
