Eguraldi onaren etorrerarekin batera, Mola Mola hondartzako tabernak dagoeneko martxan jarri du udako musika eskaintza. Hala, asteburu honetan ere proposamen zabalarekin datoz, izan ere, lau musikari izango dira gaurtik igandera tabernako terraza alaitzen.
Gaur, ostirala, Revolutionarybrothers anaien DJ saioak emango dio hasiera asteburuari. Reggae doinuak jorratzen ditu bikoteak, eta 19:00etan hasiko dute saioa. Bihar, Jamm abeslariaren txanda izango da, eta "ondo pasatzeko" musika joko du, 19:00etan.
Igande goizean Javier Sunen emanaldiak girotuko du eguerdiko bermuta, eta arratsaldean, berriz, Druli Recordsen cumbia eta reggae doinuek dantzatuz emango diote amaiera egunari.