Zaharren Babeslekuak jakinarazi du noiz eta nora egingo duen hurrengo irteera: Bilbora joango dira, ekainaren 10ean, asteartearekin. Autobusa 09:00etan aterako da herritik, eta behin hara iritsita, denbora librea edukiko dute hiria ezagutzeko. 14:30ean elkartuko dira La Parada jatetxean bazkaritarako, eta iluntzean itzuliko dira etxera.
Irteeran parte hartu nahi duenak maiatzaren 27an, asteartearekin, eman beharko du izena 16:30etik 18:00etara Zaharren Babeslekuan bertan, eta 40 euro ordaindu beharko ditu. Autobuseko tokiak zozketa bidez banatuko dituzte, eta bigarren autobusa jarriko dute, baldin eta hogei lagun edo gehiago elkartzen badira.