Aurtengo denboraldia amaitzear da Oriko Futbol Taldeko bi talde nagusientzat, izan ere, maiatzaren 10eko eta 11ko asteburuan etxetik kanpo jokatuko dituzte azken partiduak, Martutene eta Roteta taldeen aurka.
Hori horrela, Mendibeltzen indarra taldearekin eraman nahian, zuzendaritzatik doako autobusak antolatu dituzte herritarrentzat eta jarraitzaileentzat, "taldeari bultzada emateko".
Izen-ematea Mendibeltz futbol zelaian eta Kutixi kafetegian egin daiteke, baita honako galdetegi hau betez. Hala eta guztiz ere, antolatzaileek jakinarazi dute oraindik ez dakitela partiduen ordutegi zehatza zein izango den, eta aurrerago zehaztuko dituzte xehetasun guztiak. "Zuzendaritzak bere esku dagoen guztia egingo du bi partidak jarraian izan daitezen. Hala ere, partida bakoitzera autobusa bermatuta egongo da". Partiden ordutegia jakin bezain laister, maiatzaren 5ean mezu bat bidaliko zaie izena eman dutenei beren bertaratzea ziurtatzeko.