Saregile Emakumeen Etxeak antolatuta, hilaren azken astean hasiko dira irakurle taldearen aurtengo saioak. Lehenengoan Frederik Peetersen Pilula Urdinak liburua landuko dute. Saio hauek hileko azken asteazkenetan izango dira, 18:30etik 20:00etara. Euskaraz irakurri eta landuko dituzte edukiak, baita eztabaidak ere. Aurten irakurriko dituzten liburuak hurrengoak dira:
- Urtarrilak 29: Pilula Urdinak, Frederik Peeters.
- Otsailak 26: Esnearen kolorekoa, Nell Leyshon.
- Martxoak 26: Dantzaldia, Irène Némirovsky.
Saioetan parte hartzeko beharrezkoa da aurretik izena ematea; galdetegi honen bitartez egin daiteke. Informazio gehiagorako, Saregileren egoitzara jo daiteke (Kale Nagusia, 17) baita saregile@orio.eus helbidera idatzi edo 623-17 85 53 zenbakira deitu ere.