Saregile Orioko emakumeen etxeak gaur jakinarazi du zer ikastaro eskainiko dizkien emakume oriotarrei 2025eko lehenengo hiruhileko honetan, eta izena emateko epea zabalik dago horietarako. Lau arlo jorratuko dituzte Ahalduntze Eskoletan negu honetan: xilografia, ahalduntzea eta autoestimua, biodantza, eta haurdunentzako mugimenduak.
Bestalde, ohiko elkarguneek eta zerbitzuek ere martxan jarraituko dute.
Izena galdetegi honetan eman behar da.
Honakoak dira ikastaro, elkargune eta zerbitzu horiek:
Ikastaroak
- Xilografia linoleo gainean: urtarrilaren 21etik otsailaren 25era, astearteetan, 18:00etatik 20:00etara. Euskaraz. Irakaslea: Oihana Ugarte. Prezioa: 25 euro.
- Ahalduntzea eta autoestimua: urtarrilaren 27tik martxoaren 10era, astelehenetan, 17:30etik 19:30era. Gaztelaniaz. Irakaslea: Pepa Bojo. Prezioa: 15 euro.
- Biodantza: otsailaren 5etik martxoaren 26ra, asteazkenetan, 16:00etatik 17:30era. Elebitan. Irakaslea: Eider Zuriarrain. Prezioa: 20 euro.
- Haurdunentzako mugimendu saioak: otsailaren 7tik ekainaren 13ra, ostiraletan, 10:00etatik 11:30era. Gaztelaniaz. Irakaslea: Jesica Morales. Prezioa: 20 euro.
Elkarguneak
- Munduko Emakumeen Topagunea. Urtarrilaren 18an hasita, saioak hilean behin egingo dira, hileko hirugarren larunbatean, 17:00etatik 20:00etara. Saioak gazteleraz dira. Aleksandra Zak zarauztarrak gidatuta.
- Irakurle taldea. Urtarriaren 29tik martxoaren 26ra, hileko azken asteazkenetan, 18:30etik 20:00etara. Saioak euskaraz dira. Nerea Loiola zarauztarrak gidatuta.
- Amatasunak partekatzeko espazioa. Talde autogestionatua da, hau da, ez du inork gidatzen, eta bertan parte hartzeko Saregilen galdetu behar da.
- Neska gazteak feminismorantz! Saioak ekainera arte egingo dira, euskaraz, hilean behin. Saregileko kideekin.
Zerbitzuak
- Aholkularitza juridikoa. Zerbitzua hilean bitan emango dute, astelehenetan. Hitzordua aurrez hartu behar da.
- Bidelaguntza psikologikoa. Zerbitzua hilean bitan emango dute, astelehenetan. Hitzordua aurrez hartu behar da.
- Indarkeria matxista arreta eta bideraketa. Zerbitzua Saregileren ordutegian emango da. Hitzordua aurrez hartu behar da.
- Sexu eta bikote aholkularitza. Zerbitzua hilean bitan emango dute, asteazkenetan.