Herri aitortza ekitaldia egingo dute etzi, larunbata, Arraunetxen, 19:00etan hasita. Ekitaldiaren helburua da urtean zehar nabarmendu diren oriotarrak omentzea. Horregatik, aurreko asteetan herritarrek hautagaiak aurkeztu dituzte galdetegi anonimo baten bidez, eta udalak guztira 36 proposamen jaso ditu. Ondoren, udaleko mahai teknikoko epaimahaiak erabaki du zein herritar edo eragile omendu, baina hori ez da publiko egingo ekitaldiaren unera arte.
Gehienez bost lagun edo elkartek jaso ahalko dute aitortza.