Urtarrilaren 5eko Erregeen etorreraren harira, haurren danborradan izena emateko eguna ezarri du etorrera antolatzen dabilen eragile taldeak. Abenduaren 13an, ostiralarekin, Ikastolako pergolan egongo dira arratsaldean, 18:00etatik 20:00etara, eta izen-ematea orduan egin beharko da, aurrez aurre.
LH1etik aurrerako ikasleek parte hartu ahal izango dute danborradan, eta entseguak Ikastolako pergolan egingo dituzte, egun hauetan:
- Abenduaren 30ean, astelehena, 18:00etan.
- Urtarrilaren 3an, ostirala, 18:00etan.
- Urtarrilaren 4an, larunbata, 12:00etan.