Orioko Udalbatzak ezohiko bilkura egingo du bihar, asteazkena, 19:30ean hasita udaletxeko udalbatzar aretoan. Ohi bezala, udalbatzarra zuzenean atari honetan ikusteko aukera egongo da.
Udalak jakinarazi duenez, 11 puntu izango dituzte hizpide gai ordenean. Honakoak:
1.-2024ko hirugarren hiruhileko berankortasun-txostenaren berri ematea.
2.-2024ko udal aurrekontuaren hirugarren hiruhilekoaren exekuzioaren berri ematea.
3.- Lehen onarpena ematea, egoki bada, udal aurrekontu propioaren 6/2024 zenbakidun kreditua aldatzeko espedienteari, kredituak deuseztatzeagatiko bajen modalitatean.
4.-Lehen onarpena ematea, egoki bada, udal aurrekontu propioaren 7/2024 zenbakidun kreditua aldatzeko espedienteari, kreditua transferitzeko modalitatean.
5.-Lehen onarpena ematea, egoki bada, udal aurrekontu propioaren 8/2024 zenbakidun kreditua aldatzeko espedienteari, kreditu gehigarrien modalitatean.
6.-Adjudikatzea, egoki bada, Orioko kanpinean aisialdiko igerilekua eta ur-parkea eraikitzeko obraren kontratazioa prozedura ireki sinplifikatu baten bidez.
7.-Onartzea, egoki bada, klausula partikularren plegua, Orioko Hiri Antolamenduko Plan Orokorraren barruko Zabalgunea izeneko 3. eremuko 3.1. Frontoia jarduketa-unitateko 1.1. partzelaren partaidetza zatiezin bat (%20,32) lehiaketa publiko bidez besterentzeko.
8.-Onartzea, egoki bada, uraren ziklo osoaren kudeaketarako agindua, eta Orioko Udalaren eta Gipuzkoako Ur Kontsortzioaren artean horretarako sinatuko den hitzarmena.
9.-Onartzea, egoki bada, klausula administratibo partikularren eta baldintza teknikoen pleguak, Orioko Udalaren kirol instalazioetako kirol zerbitzuen eta zerbitzu osagarrien kontratuaren lizitazioa arautuko dutenak.
10.-Lehen onarpena ematea, egoki bada, Orioko Udalaren kirol instalazioak erabiltzeko erregelamenduari.
11.-Eskariak eta galderak.