Ostiral arratsalderako hitzordu berezia dago prestatuta Antilla hondartzan: Troia antzezlana. 19:00etan hasiko da Kamikaz Kolektiboaren lana, eta herritarrek zein bisitariek doan ikusteko aukera izango dute. Orioko Udalak antolatu du, udako programazioaren barruan.
Datorren astean ere izango da zer gozatua hondartza inguruan, Momiak filma eskainiko baitu udalak asteazkenean, hilak 28, 22:00etan, Zinema Kalean programaren barruan.