OBB Orioko Bate Bizkorrak sofbol taldeari aldapa gora jarri zaio ligako titulua eskuratzea. Ohorezko Mailako Sofbol Liga Nazionaleko play offetako aurreneko lehia igandean jokatu zuten etxean, Mendibeltzen, baina Rivas gehiago izan zen, eta bi partidak irabazi zituzten madrildarrek.
Azken bi partidak haien etxean jokatuko dituzte larunbat honetan, eta lautik hiru lehia irabazten duenak irabaziko du liga ere.
Garaipena zaila izan arren, esperantzarik ez dute galdu oriotarrek, eta irabaztera joango dira Madrilera.