Urola Kostako Mintzalagun programari amaiera emango dion ekitaldia izango da gaur, 18:30etik aurrera, Salatxo aretoan. Hitzordua Apaxi ipuin kontalari zarauztarraren bakarrizketarekin ekingo zaio. Ondoren, mokadua edukiko dute bertaratzen diren guztiek.
Mintzalagun programan parte hartzen dutenentzat antolatutako ekitaldia da izatez, baina antolatzaileek iragarri dutenez, nahi duen orok izango du bertaratzeko aukera.
Urola Kostako AEK arduratzen da programa dinamizatzeaz, eta gaur egun, guztira, 27 mintzalagun talde daude aktibo eskualde osoan, eta 100 lagun inguru dabiltza talde horietan. Orioren kasuan, bost mintzalagun talde izan dira martxan aurten.