Errege Magoen laguntzailea, Erregeen Karterua, Orion izan da gaur, Errege bezpera, herriko ume eta gaztetxoen gutun berezienak jasotzen. Ondoren, Errege Magoei emango dizkie gutun guztiak. Eguerdi partean egon da Karela kiroldegian,11:30etik 13:00etara, eta ilara luzeak sortu dira hari eskutitza emateko zain.
Beste urteetan kalerik kale ibili izan da gutunak jasotzen danbor jotzaileak lagun dituela, baina aurtengoan moldatu egin dute hori –pandemian ere hala egin zuten–. Hori bai, danbor jotzaileak ere han izan dira, beren eginkizuna zintzo betetzen.
Errege Magoak 19:30ean iritsiko dira herrira eta zuzenean kiroldegian egongo dira herritarrekin.
